Sot, me 17 janar 2022, në sallën e takimeve në objektin e Administratës së Policisë së Kosovës, Kryetari dhe Nënkryetari i Sindikatës së Policisë së Kosovës, zhvilluan takimin e radhës me Këshillin Drejtues të Sindikatës së Policisë së Kosovës.
Në ketë takim, Kryetari i Sindikatës së Policisë së Kosovës, Z. Imer Zeqiri, shpalosi planprogramin e ri dhe diskutuan me Këshillin Drejtues mbi sfidat e punëtorëve, ku është diskutuar edhe për tri çështjet më kryesore si ‘Ligji për paga’, ‘Ligji për sigurimin shëndetësor’ dhe ‘Ligji për pensionim të parakohshëm’.
Gjatë takimit është diskutuar edhe për aktivitetet e deritashme si dhe për aktivitetet tjera në vazhdim me qëllim të realizimit të detyrave të parapara me planprogramin e paraqitur për vitin 2022.
Gjatë takimit, Këshilli Drejtues unanimisht doli me konkluzionin që t’i bëjë thirrje Qeverisë së Republikës së Kosovës, që të bëjë pagesën e shtesës për angazhimin e Policisë së Kosovës për parandalimin e pandemisë ‘COVID 19’ e cila është e caktuar me Ligjin mbi Pandeminë e që kjo shtesë Policisë së Kosovës nuk i është paguar për vitin e kaluar.
Ne fund, z. Zeqiri dhe z. Hoti falënderuan këshillin drejtues, dhe ju dëshiruan një vit të mbarë dhe me shumë suksese duke u zotuar se nuk do të ndalen derisa të realizohen kërkesat në fjalë.
