Dje me 07.02.2022, kryetari i Sindikatës së PK-së, z. Imer Zeqiri, nënkryetari z. Avdi Hoti dhe këshilli drejtues i Sindikatës së Policisë së Kosovës u takuan me Drejtorin e Policisë së Kosovës, z. Samedin Mehmeti i cili ishte i shoqëruar me menaxhmentin e lartë të PK-së.
Gjatë këtij takimi, kryetari i Sindikatës së PK-së, z. Zeqiri, shpalosi shume çështje që ndërlidhen me mirëqenien e punonjësve të PK-së, ku në veçanti u diskutua edhe për ‘Ligjin për paga’, ‘Ligji për sigurimin shëndetësor’, si dhe për shujtën dhe për mundësin e realizimit të disa benifiteve tjera për Policinë e Kosovës.
Ndërsa drejtori i PK-së, z. Mehmeti, shprehi gatishmëri për partneritet dhe bashkëpunim dhe premtoj se do të përkrah të gjitha kërkesat legjitime të Sindikatës së PK-së, për të krijuar mirëqenie sa me të mirë për pjesëtarët e Policisë së Kosovës. Po ashtu u sugjeroj që komisioni i PK-së dhe Sindikata e PK-së të bashkëveprojnë në kërkesat për ‘Ligjin e pagave” me qëllim që të kemi një ligj të dinjitetshëm për pjesëtarët e Policisë së Kosovës.
Pas përfundimit të takimit, Kryesia ekzekutive e Sindikatës së Policisë së Kosovës mbajti takimin e radhës me Këshillin Drejtues. Në ketë takim, Kryetari i Sindikatës së Policisë së Kosovës, z. Imer Zeqiri, informoj këshillin drejtues në lidhje me procedurat e regjistrimit të Sindikatës në Ministrin e Punës dhe Mirëqenies Sociale (MPMS), si dhe harmonizimit të Statutit të Sindikatës me ligjin e ri mbi organizimin sindikal. Gjithashtu në ketë takim janë diskutuar edhe çështje organizative me qëllim të realizimit të objektive të Sindikatës së Policisë së Kosovës.
