Me 22 prill 2022, në ambientet e Spitalit Special për Terapi Fizikale dhe Rehabilitim Onix SPA LLC në Banjë – Istog, nga Kryetari i Sindikatës së Policisë së Kosovës, Z. Imer Zeqiri dhe nga drejtori i Spitalit Onix SPA LLC, z. Xhevdet Shoshi, duke u mbështetur në kërkesën e Sindikatës së Policisë së Kosovës, u nënshkrua Marrëveshja e bashkëpunimit për shfrytëzimin e shërbimeve të kësaj Banje nga anëtarët e Sindikatës së Policisë.
Qëllimi i kësaj marrëveshje është shfrytëzimi i shërbimeve shëndetësore dhe të fizioterapisë.
Në ketë marrëveshje janë të përfshira të gjitha shërbimet standarde të Banjës duke filluar nga: kontrollimi mjekësor, fjetja, ushqimi dhe terapitë. Kjo marrëveshje e përbashkët ka për qëllim që shërbimet e Banjës mund të shfrytëzohen nga anëtarët e Sindikatës së Policisë së Kosovës, duke prezantuar vërtetimin e lëshuar nga udhëheqja e Sindikatës së Policisë së Kosovës sipas kontratës së nënshkruar.
Sindikata e Policisë se Kosovës përherë do të jetë afër çdo zyrtari policor për të ofruar mbështetje të vazhdueshme për të gjithë anëtarët sindikal të Policisë së Kosovës.
Informacionet më të hollësishme mund t’i gjeni në marrëveshjen e publikuar në web faqe (www.spk-rk.eu) tek rubrika “Marrëveshjet”.
