Me ftesë të kryetarit të Sindikatës së Policisë së Maqedonisë Veriore z. Marjan Kicev, Sindikata e Policisë së Kosovës në përbërje nga Imer Zeqiri Kryetar dhe Nënkryetaret Avdi Hoti dhe Edita Azemi kanë marr pjesë në manifestimin e 30-të vjetorit të Sindikatës së Policisë së Maqedonisë Veriore, nga data 26.05.2022 deri me datë 30.05.2022.
Në këtë manifestim kanë marr pjesë edhe përfaqësues të sindikatave të rajonit (Sllovenia, Shqipëria, Kroacia, Bosnja dhe Hercegovina, Mali Zi ) dhe Evropës si dhe Kryetari i Këshillit Evropian të Sindikatave të Policisë (CESP) z. Ricardo Valadas me bashkëpunëtorit e tij nga Holanda, Gjermania, Austria, Greqia, Qipro etj.
Delegacioni i Sindikatës së Policisë ka mbajtur takime pune me Kryetarin e CESP-ës z. Ricardo Valadas si dhe me përfaqësuesit nga CESP-ës
Gjatë këtyre takimeve është biseduar për mënyrën e organizimit sindikal në Policinë e Kosovës, kushtet e punës, aktivitet e zhvilluara dhe planet e projektet për të ardhmen. Po ashtu, delegacioni i Sindikatës së Policisë së Kosovës ka kërkuar nga Kryetari z.Valadas dhe nga të gjithë përfaqësuesit dhe anëtarët e CESP që të na përkrahin dhe të na mundësojnë anëtarësimin e Sindikatës së Policisë së Kosovës në Këshillin Evropian të Sindikatave të Policisë (CESP).
Nga Kryetari i CESP dhe nga të gjithë përfaqësuesit dhe anëtarët e CESP morëm premtimin se do të lobojnë dhe do të na përkrahin në anëtarësim.
