Sot me datë 11.10.2022, në udhëheqjen e Kryetarit të Sindikatës së Policisë, është mbajtur mbledhja e Këshillit Drejtues të Sindikatës së Policisë së Kosovës.
Në këtë mbledhje janë raportuar aktivitetet e deritashme të Sindikatës si: Kërkesat për përmasimin e mirëqenies së pjesëtarëve të Policisë së Kosovës, draft-ligji i pagave i cili ka qenë në diskutim publik dhe për të cilin nga Sindikata janë adresuar komentet dhe kërkesat.
Po ashtu është diskutuar për ndërhyrjen nga Thesari i Shtetit në ndaljen e kuotës së anëtarësisë sindikale e cila nga KD-së është vlerësuar e kundërligjshme dhe e pa pranueshme për të vazhduar ne formën siç është kërkuar nga Thesari i Shtetit.
Lidhur me veprimet nga Thesari i Shtetit është diskutuar edhe takimi i fundit me Ministrin e MPB-së, z. Sveçla, kërkesat dërguar Kryeministrit z. Kurti, Ministrit të Financave, z. Murati dhe Thesarit të Shtetit për të ndërprerë veprimet e kundërligjshme lidhur me aktivitetin sindikal.
Këshilli Drejtues i SPK-së u deklaruan unanimisht që platforma e-Kosova është në kundërshtim me ligjin për tu anëtarësuar apo për tu ç’anëtarësuar anëtarët e Sindikatës.
U mor vendim se Sindikata e Policisë së Kosovës të njeh anëtarët e vetë të cilët janë anëtarësuar bazuar në Ligjin mbi Organizimin Sindikal në Kosovë nr.04/L-011, Statutin e Sindikatës dhe Konventat Ndërkombëtare të ONP-së.
