Më datë 09.05.2023 në Sofje të Bullgarisë u mbajt kuvendi themelues i Shoqatës Ballkanike të Sindikatave të Sektorit të Sigurisë (B.A.T.U.P.S.O), ku kanë marr pjesë 6 sindikata përfaqësuese nga Ballkani: Shqipëria, Bullgaria, Kosova, Rumania, Maqedonia e Veriut dhe Mali i Zi.
Qëllimi i krijimit të Shoqatës Ballkanike të Sindikatave të Sektorit të Sigurisë (B.A.T.U.P.S.O):
– Mbështetje e ndërsjellë ndërkombëtare për përmirësimin e proceseve të interesave
socio-ekonomike të anëtarëve;
– Përmirësimi i të drejtave të punësimit në nivel kombëtar dhe rajonal;
– Forcimi i marrëdhënieve ekzistuese dhe krijimi i kushteve për kontakte të reja shumëpalëshe me organizatat përkatëse në rajon;
– Organizimi dhe koordinimi i mbështetjes ndërkombëtare dhe veprimeve të përbashkëta të anëtarëve të saj në mbrojtje të të drejtave të punësimit dhe të tjera.
Në këtë takim themelues, Sindikata e Policisë së Kosovës, është njëra nga anëtaret themeluese me statut të barabartë me sindikata ballkanike themeluese me të drejta të barabarta në vendimmarrje dhe përfaqësim.
Ndërsa Kryetari i Sindikatës së Policisë së Kosovë z.Imer Zeqiri është anëtar i Këshillit Drejtues të Shoqatës Ballkanike të Sindikatave të Sektorit të Sigurisë (B.A.T.U.P.S.O).
