Prishtinë, 25 janar 2023
Në takimet e realizuara në Stacionin Policor në Lipjan dhe Graçanicë ku u priten nga Kryetarja e Njësisë Sindikale – Lipjan, znj, Luljeta Statovci dhe nga Kryetarja e Njësisë Sindikale – Graçanicë, znj. Biljana Peric, z. Hoti dhe znj. Azemi i njoftuan pjesëtarët / anëtarët lidhur me aktivitetet e deritashme si dhe për aktivitetet tjera në vazhdim me qëllim të realizimit të detyrave të parapara me planprogram.
Gjithashtu në takim, u diskutua mbi sfidat e punonjësve të Policisë së Kosovës të cilët ballafaqohen çdo ditë. Gjatë takimit, është diskutuar edhe për Ligjin e pagave dhe të gjitha ligjet me interes për Policinë e Kosovës, miratimin e kërkesave nga Sindikatat si dhe koha e implementimit.
Gjatë diskutimit, ju prezantuan shumë aktivitete që Sindikata realizon çdo ditë duke përfshirë kërkesat dhe takimet me zyrtarët e Qeverisë më qëllim të përmirësimit të mirëqenies të punonjësve të Policisë së Kosovës, po ashtu u prezantuan shumë marrëveshje bashkëpunimi me spitale, laborator, Qendra per mjekësi fizikale dhe rehabilitim, universitete, barnatore etje, ku për te gjithë të interesuarit mundet t’i shikojnë edhe në web faqe të Sindikatës (www.spk-rk.eu) dhe në rrjetin social në Facebook marrëveshjet e realizuar.
Nënkryetari i Sindikatës së Policisë së Kosovës, z. Hoti, kërkojë nga të gjithë pjesëmarrësit në dy takimet që sa më shumë dhe në mënyrë masovike dhe të gjithë pjesëtarët e Policisë dhe stafin mbështetës civil që i përkasin këtyre stacioneve të behën anëtarë të Sindikatës për të na dhenë mbështetje dhe fuqi drejt realizimeve të kërkesave legjitime qe i ka paraqitur para partnerit tonë social, Qeveris së Republikës së Kosovës.
Gjithashtu pjesëmarrësve /sindikalistëve policor ju prezantua se anëtarësimi i ri në Sindikatën e PK-së duhet të behet përmes platformës E-Kosova.
Po ashtu edhe në këtë takim u diskutua edhe për shumë çështje dhe kërkesa që dolën nga aktivistet sindikal të Njësive Sindikale të DRP – Prishtinë, Graçanicë dhe Lipjan.
