Kryetari i Sindikatës, z. Zeqiri i falënderoj kadetët të rinj për pritje dhe i inkurajoi ata që të japin maksimumin e tyre në përfundimin me sukses të trajnimit. Ai kërkoi nga kadetët që të tregojnë angazhim, përkushtim dhe disiplinë të lartë gjatë trajnimit në Akademi, për të arritur rezultate sa më pozitive si në anën profesionale, e po ashtu edhe në atë të shkathtësive fizike.
Gjatë takimit, kryetari i Sindikatës së PK-së, z. Zeqiri dhe dy nënkryetarët, z. Hoti dhe znj. Azemi si dhe Kryetari i Shoqatës së DPP-së, z. Krasniqi i njoftuan kadetët policor rreth planprogramit të ri të punës që kryesia e re e Sindikatës së PK-së është duke punuar në përmbushjen e obligimeve për mirëqenien e punonjësve në Policinë e Kosovës në veçanti për Sigurimet Shëndetësore, Jetësor dhe Shoqëror. Gjithashtu në takim, u diskutua mbi sfidat e punonjësve të Policisë së Kosovës të cilët ballafaqohen çdo ditë. Gjatë takimit, është diskutuar edhe për Ligjin e pagave dhe miratimin e kërkesave nga Sindikatat si dhe koha e implementimit. Kadetëve gjithashtu ju prezantuan shumë aktivitete që Sindikata realizon çdo ditë duke përfshirë kërkesat dhe takimet me zyrtarët e Qeverisë më qëllim të përmirësimit të mirëqenies të punonjësve të Policisë së Kosovës, po ashtu u prezantuan shumë marrëveshje bashkëpunimi me spitale, laborator, banjo rehabilituese, universitete, barnatore etje, ku për te gjithë të interesuarit mundet t’i shikojnë edhe në web faqe të Sindikatës (www.spk-rk.eu) dhe në rrjetin social në Facebook marrëveshjet e realizuar.
Gjithashtu kadetëve policor ju prezantua se anëtarësimi i ri në Sindikatën e PK-së duhet të behet përmes platformës E-Kosova për ata që dëshirojë të bëhen anëtar sindikal.
Krejt në fundi, Kryetari i Sindikatës i falënderoj kadetët policor për interesimin e tyre rreth programit dhe aktiviteteve sindikale që po organizon Sindikata e PK-së për të punësuarit dhe anëtaret e vetë.
