Sot, në dyvjetorin e rënies heroike të rreshterit të Policisë së Kosovës, Afrim Bunjaku, kryetari i Sindikatës së Policisë së Kosovës, së bashku me nënkryetaren dhe bashkëpunëtorët, vendosën kurora lulesh pranë varrit të tij, duke nderuar me respekt dhe mirënjohje sakrificën e tij sublime.
Gjithashtu, përfaqësuesit e Sindikatës morën pjesë në ceremoninë shtetërore të organizuar nga Ministria e Punëve të Brendshme dhe Policia e Kosovës, në bashkëpunim me Qeverinë e Republikës së Kosovës, me rastin e këtij përvjetori.
Rreshteri Afrim Bunjaku mbetet përjetësisht shembull i trimërisë, përkushtimit dhe sakrificës në mbrojtje të jetës, sigurisë dhe lirisë së qytetarëve tanë.
Lavdi jetës dhe veprës së tij!
