Në bashkëpunim me Kolegjin Universum, Sindikata e Policisë së Kosovës realizoi trajnimin e parë dyditor me temën “Të drejtat e njeriut në praktikën policore” – një hap konkret drejt ngritjes së kapaciteteve profesionale të zyrtarëve policorë.
Trajnimi u hap nga z. Valon Murati, Zëvendëspresident për Marrëdhënie me Jashtë, ndërsa ligjërues ishin përfaqësues të Institucionit të Avokatit të Popullit, znj. Shqipe Ibraj Mala dhe z. Hilmi Jashari.
Falënderojmë të gjithë ligjëruesit dhe Kolegjin Universum për bashkëpunimin e frytshëm.
Me këtë rast, Kryetari Avdi Hoti dhe Nënkryetarja Edita Azemi Haliti u nderuan me mirënjohje nga Kolegji Universum për kontributin dhe përkushtimin në fuqizimin e bashkëpunimit ndërinstitucional.
Trajnimet do të vazhdojnë edhe në fazat e ardhshme, në përputhje me marrëveshjen e nënshkruar.
Të interesuarit mund të vizitojnë faqen tonë për më shumë informacione mbi përfitimet nga kjo marrëveshje.
