Prishtinë, 5 nëntor 2022
Sot, më 5 nëntor 2022 në Pejë, Sindikata e Policisë së Kosovës ka përfunduar turneun sportiv i cili ka filluar dje, në shenjë nderimi dhe përkujtimi të zyrtarëve policorë të rënë në kryerje të detyrës.
Në ketë ngjarje sportive garuan ekipet policore, të organizuar nga Sindikata e Policisë së Kosovës që dhanë një kontribut të jashtëzakonshëm në lojërat sportive, ku fitues i këtij turneu u shpall me meritë ekipi i DRP Prishtinës me një rezultat të shkëlqyer. Gjatë kësaj ngjarjeje sportive morën pjesë delegacionet nga Shqipëria, Mali i Zi, Maqedonia e Veriut, Kroacia dhe përfaqësuesit nga Kuvendi Komunal i Pejës.
Po ashtu, Sindikata e PK-së ndau një mirënjohje të veçantë për organizatorin sportiv, për refertet, lojtarin më të mirë, golashënuesin më i mirë, portierin më të mirë si dhe medalje dhe kupa per tri vendet e para.
Sindikata e PK-së vazhdon t’i përkrahë dhe mbështesë zyrtarët policorë në aktivitete të ndryshme.
Kjo ngjarje sportive u përmbyll duke shpërblyer ekipet fituese.
Sindikata e PK-së u është shumë mirënjohëse dhe falënderuese të gjithë atyre që dhanë kontributin e tyre në organizimin e garave sportive në shenjë nderimi për 22 heronjtë e PK-së të cilët kanë rënë në krye të detyrës zyrtare.
