Më 28 tetor 2023 në Gjakovë, Sindikata e Policisë së Kosovës ka përfunduar turneun sportiv i cili ka filluar me 27 tetor 2023, në shenjë nderimi dhe përkujtimi të zyrtarëve policorë të rënë në kryerje të detyrës.
Në ketë ngjarje sportive garuan ekipet policore, të organizuar nga Sindikata e Policisë së Kosovës që dhanë një kontribut të jashtëzakonshëm në lojërat sportive, ku fitues i këtij turneu u shpall me meritë ekipi i NJSO – Prishtinë me një rezultat të shkëlqyer, ndersa në shenjtari venin e parë e zuri DRP Prishtinë.
Në ketë event sportiv të organizuar nga Sindikata e Policisë së Kosovës morën pjesë Drejtori i Përgjithshëm i Policisë së Kosovës Kolonel Gazmend Hoxha, Kryetari i Komunës së Gjakovës z.Ardian Gjini, Kryetari i Sindikatës së Policisë së Kosovës z.Imer Zeqiri me bashkëpunëtor, përfaqësues nga sindikatat e vendeve mike si Shqipëria, Mali i Zi, Maqedonia e Veriut dhe Kroacia, familjarë të policëve të rënë në kryerje të detyrës, përfaqësues të FSK-se, KFOR-it, si dhe menaxhmenti policorë nga niveli qendror dhe ai lokal.
Po ashtu, Sindikata e PK-së ndau një mirënjohje të veçantë për organizatorin sportiv, për refertet, lojtarin më të mirë, golashënuesin më i mirë, portierin më të mirë si dhe medalje dhe kupa per tri vendet e para ne futboll dhe në gjujtje.
Sindikata e PK-së vazhdon t’i përkrahë dhe mbështesë zyrtarët policorë në aktivitete të ndryshme.
Kjo ngjarje sportive u përmbyll duke shpërblyer ekipet fituese.
Sindikata e PK-së u është shumë mirënjohëse dhe falënderuese të gjithë atyre që dhanë kontributin e tyre në organizimin e garave sportive në shenjë nderimi për 23 heronjtë e PK-së të cilët kanë rënë në krye të detyrës zyrtare.
