Me ftesë të Avokatit të Popullit z. Naim Qelaj, Kryetari i Sindikatës së Policisë së Kosovës z. Imer Zeqiri ka marrë pjesë në tryezën e diskutimit me temën “Mbrojtja dhe respektimi i të drejtave dhe sigurisë në punë-roli i sindikatës’.
Në këtë tryezë kanë marr pjesë edhe kryetarë dhe përfaqësues të sindikatave nga sektori publik dhe privat.
Në këtë tryezë secila sindikatë ka paraqit kërkesat dhe brengat për punëtorët e institucionit përfaqësues.
Si çështje më rëndësi janë diskutuar siguria dhe shëndeti në punë, respektimi i të drejtave të të punësuarve, dialogu social, liria e organizimit sindikal, mungesa e kontratës kolektive, zbatimi i ligjit për mbrojtjen nga diskriminimi dhe ligjit për sigurimet shëndetësore, ligjin e pagave në sektorin publik dhe ndryshimet që priten të ndodhin pas aktgjykimit të Gjykatës Kushtetuese, paga minimale dhe tema tjera lidhur me kushtet e punës.
Në fund Avokati i Popullit z. Naim Qelaj premtoj se do të mbajmë edhe takime tjera ku do të jenë të ftuar edhe përfaqësuesit e Qeverisë dhe ministrive përkatëse.
