Më 08 tetor 2024, kryesia ekzekutive, e përbërë nga nënkryetari Avdi Hoti, nënkryetarja Edita Azemi si dhe kryetari i Bashkimit të Sindikatave të Pavarura të Kosovës prof. Atdhe Hykolli, koordinatori i Sindikatës së Policisë së Kosovës Kapiten Shemsi Igrishta, dhe kryetari i Shoqatës Rajonale për DRP Mitrovicë, Rreshter Avni Tahiri, zhvilluan një takim pune të suksesshëm me drejtoreshën e Drejtorisë Rajonale Mitrovicë Jug, Kolonel Afërdita Mikullovci.
Gjatë këtij takimi u diskutuan në detaje aktivitetet sindikale, të arriturat e deritanishme dhe planifikimet për të ardhmen. Një pikë e rëndësishme e diskutimit ishte nevoja për një ligj mbi pensionimin dhe sigurimin shëndetësor, që është thelbësor për përmirësimin e kushteve të punës për policët. Diskutimi ishte frytdhënës dhe u përqendrua në forcimin e solidaritetit midis anëtarëve. Kolonel Mikullovci ofroi mbështetje të fuqishme për qëllimet tona, duke dëshmuar rëndësinë e bashkëpunimit të ngushtë midis sindikatës dhe menaxhmentit.
Kjo mbështetje është një hap i madh përpara në misionin tonë për të avancuar të drejtat e policëve dhe për të forcuar zërin tonë. Bashkë, mund t’i arrijmë këto qëllime dhe të krijojmë një mjedis pune më të drejtë dhe më të sigurt për të gjithë. Ftojmë të gjithë kolegët t’i bashkohen kësaj përpjekjeje të përbashkët për një të ardhme më të mirë.
