Në datën 26 tetor 2024, në Qendrën Sportive “Sezai Surroi” në Prizren, Sindikata e Policisë së Kosovës përfundoi turneun sportiv në nderim të 23 heronjve të Policisë së Kosovës që kanë dhënë jetën në krye të detyrës. Ky turne, që filloi më 25 tetor, përfshiu gara në futboll, shah dhe shenjëtari, ku ekipet policore treguan një performancë të shkëlqyer.
Në futboll, vendin e parë e fitoi ekipi i NJSO Prishtinë, vendi i dytë DRP Prizren, vendi i tretë DRP Mitrovicë.
Kurse ne shah, vendin e parë e fitoi NJSO Mitrovicë, vendi i dytë DRP Gjilan, DRP NJSO Mitrovicë.
Ndërsa në shenjëtari vendin e parë e morën NJSO Mitrovicë, vendi i dytë DRP Pejë, vendi i tretë DRP Prizren.
Ceremonia përmbyllëse u karakterizua nga pjesëmarrja e përfaqësuesve të institucioneve shtetërore, sindikatave rajonale, Forcës së Sigurisë së Kosovës, familjarëve të policëve të rënë në detyrë, dhe menaxhmentit policor. Sindikata e Policisë ndau mirënjohje për organizatorët, gjyqtarët dhe sportistët më të dalluar në këtë turne, ku u shpërndanë medalje dhe kupa për tre vendet e para.
Z. Avdi Hoti, nënkryetari i Sindikatës së Policisë së Kosovës, së bashku me znj. Edita Azemi, nënkryetaren e dytë të Sindikatës së Policisë së Kosovës, dhe bashkëpunëtorët, ndanë kupat dhe vlerësuan kontributin e secilit në organizimin e kësaj ngjarjeje të rëndësishme për përkujtimin e heronjve të Policisë së Kosovës që ranë në detyrë.
(3) Në datën 26 tetor 2024, në… – Sindikata e Policisë së Kosovës | Facebook
