Sindikata e Policisë së Kosovës mori pjesë në Punëtorinë Sindikale dyditore të organizuar nga Bashkimi i Sindikatave të Pavarura të Kosovës – BSPK, me përkrahje të Solidarity Center, e cila u mbajt në Dragash.
Sindikata e Policisë së Kosovës u përfaqësua nga Kryetari z. Avdi Hoti, Nënkryetarja znj. Edita Azemi, si dhe bashkëpunëtorë të sindikatës.
Punëtoria ishte e fokusuar në strategjitë për zgjerimin dhe konsolidimin e organizimit sindikal, forcimin e kapaciteteve organizative dhe negociuese, si dhe në avancimin e bashkëpunimit ndërsindikal.
Sindikata e Policisë së Kosovës vazhdon të punojë me vendosmëri për një organizim të fortë, një komunitet të bashkuar dhe mbrojtjen e të drejtave të çdo punonjësi policor.
