Sindikata e Policisë së Kosovës (SPK) dhe kompania Melodia Sh.p.k. (Melodia PX) kanë nënshkruar një marrëveshje bashkëpunimi, me qëllim të ofrimit të përfitimeve për anëtarët e SPK-së.
Sipas marrëveshjes, të gjithë punonjësit e Policisë së Kosovës do të përfitojnë zbritje prej 20% në produktet e kompanisë Melodia PX, e cila operon në fushën e furnizimit me tekstile dhe produkte të ngjashme.
Ky bashkëpunim synon të forcojë mbështetjen ndaj punonjësve të Policisë së Kosovës dhe të nxisë partneritetin ndërmjet institucioneve publike dhe sektorit privat.
Gjatë këtij takimi, Kryetari i Sindikatës së Policisë së Kosovës dhe Nënkryetarja e Sindikatës i dorëzuan një letër falënderimi kompanisë Melodia PX për përkrahjen e dhënë me rastin e organizimit të lojërave sportive për nder të policëve të rënë në kryerje të detyrës zyrtare.
Për më shumë informacione rreth shërbimeve të ofruara dhe kushteve të marrëveshjes, ju lutemi vizitoni faqen tonë zyrtare, në rubrikën “Marrëveshjet”.
SHKARKO MARREVESHJEN: Marrveshje bashkepunimi_M
