Sot, më 17.09.2024, kryesia ekzekutive, nënkryetari Avdi Hoti, nënkryetarja Edita Azemi, dhe kryetari i shoqatës sindikale të kufirit, Azem Berisha, me kërkesë të kryetarit të njësisë sindikale të aeroportit, Fadil Sopi, mbajtën takim pune me anëtarësinë e gjerë sindikale – zyrtarët policorë të aeroportit të Prishtinës “Adem Jashari”.
Nënkryetari Avdi Hoti i njoftoi antarësinë e gjerë lidhur me punën e kryesisë ekzekutive të sindikatës për të arriturat në përgjithësi dhe për punën që po bën kryesia ekzekutive drejt realizimit të kërkesave të punonjësve të Policisë së Kosovës.
Në përfundim të takimit, kryetari i njësisë sindikale, Fadil Sopi, së bashku me anëtarësinë sindikale të aeroportit, falënderuan kryesinë ekzekutive për informacionet e marra lidhur me të gjitha çështjet e diskutuara dhe për punën që po vazhdojnë drejt realizimit të të gjitha të drejtave ligjore. Kryesia ekzekutive mori mbështetje të fuqishme nga kryetari Fadil Sopi dhe anëtarësia sindikale e aeroportit.
