Prishtinë, 27 shkurt 2023
Sot, me 27 shkurt 2023, në ambientet e zyrës të Sindikatës së Policisë së Kosovës, Nënkryetarja e dytë e Sindikatës së Policisë së Kosovës, znj. Edita Azemi dhe Kryetarja e Shoqatës Sindikale për DRP Prishtina znj. Ajfer Xhigolli realizuan një takim zyrtar me përfaqësuesit e KFOR-it italian në Kosovë.
Gjatë këtij takimi u diskutua për punën dhe veprimtarinë e Sindikatës së Policisë së Kosovës, për projektet dhe kërkesat qe janë të parapara në mandatin e Sindikatës së PK-së, po ashtu me interesim të veçantë është diskutuar për Ligjin e Pagave rreth pakënaqësive dhe pritshmërisë nga ky ligj si dhe për Stafin Civil dhe mbështetës kategorizimi i tyre në këtë ligj.
Gjatë bisedës, znj. Azemi falënderoi përfaqësuesit e KFOR-it italian për mbështetjen dhe përkrahjen që po afrojnë për Policinë e Kosovës në lidhjen e urave të bashkëpunimit mes Sindikatës së PK-së dhe KFOR-it italian me seli në Prishtinë për të mirën e të dy institucioneve si KFOR-i dhe Policia e Kosovës.
