Me datë 30.11.2022, Këshilli Drejtues i Sindikatës së Policisë, ka mbajtur takimin e radhës, në të cilin ka raportuar auditori i cili ka bërë auditimin e vitit 2021.
Po ashtu në takim ka dhënë sqarime avokati lidhur me ecurinë e padive për shujta dhe shpërblimin e një page për fund vit dhe pagën jubilare, ashtu siç është e rregulluar me Udhëzim Administrativ. Avokati i njoftoj të gjithë anëtarët e Këshillit Drejtues për ecurinë e procesit gjyqësorë ku pjesërisht është aprovuar nga Gjykata si e bazuar ankesa duke e njohur shpërblimin e një page në fund vit dhe pagën jubilare, kurse është refuzuar shujta. Andaj Kryetarët e Shoqatave Rajonale kanë obligimin që t’i njoftojnë të gjithë anëtarët e sindikatës me ecurinë e procesit gjyqësor.
Në vazhdim të takimit, Këshilli Drejtues ka vazhduar me diskutimin rreth kuotizimit dhe deklarimit të anëtarësisë në E-Kosova, me që rast apelojmë te të gjithë anëtarët e sindikatës që të rideklarohen edhe në platformën E-Kosova me qëllim që t’i gëzojnë të gjitha benifitet nga Sindikata dhe po ashtu për t’i dhënë Sindikatës përkrahje dhe fuqi vepruese karshi kërkesave dhe veprimeve sindikale drejt përmirësimit të mirëqenies së pjesëtarëve të policisë.
Po ashtu Kryesia Ekzekutive i ka njoftuar anëtarët e këshillit drejtues me të arriturat lidhur me Ligjin e Pagave, ku pas një pune intensive kemi arritur që koeficientet t’i ngrisim në një nivel të kënaqshëm.
Për të gjitha detajet mund të njoftoheni nga përfaqësuesit e juaj rajonale të sindikatës dhe në web faqen e sindikatës.
Kryesia ekzekutive e Sindikatës së Policisë
