Zgjedhjet në Sindikatën e Policisë së Kosovës Këshilli drejtues i Sindikatës së Policisë së Kosovës ka marrë vendim që zgjedhjet në gjithë territorin e Republikës së Kosovës të mbahen në të gjitha njësitë dhe regjionet.
Deri më tani zgjedhjet e Sindikatës janë mbajtur në tri regjione, në regjionin e Pejës, regjionin e Gjakovës dhe në regjionin e Ferizajt. Ndërsa në mbledhjen e fundit të mbajtur me datën 09.11.2021 të këshillit drejtues, është vendosur që të gjitha zgjedhjet regjionale në të gjitha njësitë policore të mbahen deri me datën 20 nëntor 2021.
Po ashtu, në mbledhjen e kryesisë, është marrë vendim për datën e mundshme për mbajtjen e kuvendit, me 27 nëntor 2021. Për të gjitha ndryshimet eventuale, të gjithë anëtarët e kryesisë do të njoftohen me kohë, sipas vendimeve të këshillit drejtues. Me respekt, Znj. Valbona Kamberi Kryetare e Sindikatës se Policisë se Kosovës.
