Më datë 23 qershor 2025, në ambientet e Zyrës Qendrore të Sindikatës së Policisë së Kosovës, është nënshkruar marrëveshja e re e bashkëpunimit ndërmjet Kryetarit të Sindikatës, z. Avdi Hoti dhe Sekretarit të Përgjithshëm të Spitalit Special me Terapi Fizikale dhe Rehabilitim “Banja Nëna Naile” në Kllokot, z. Yll Morina.
Kjo marrëveshje paraqet vazhdim të bashkëpunimit të mëhershëm ndërinstitucional, dhe është rezultat i drejtpërdrejtë i interesimit të lartë dhe kërkesave të përsëritura nga anëtarët tanë për shërbime rehabilituese dhe përkujdesje profesionale ndaj shëndetit fizik.
Përfitimet për anëtarët e Sindikatës përfshijnë:
• Kontrolla mjekësore të specializuara;
• Programe individuale të ushtrimeve terapeutike;
• Konsultime dhe trajtim nga mjekë specialistë të fushës së fiziatrisë.
Marrëveshja ka hyrë në fuqi menjëherë pas nënshkrimit dhe përfaqëson një tjetër hap konkret të Sindikatës në drejtim të përkrahjes së mirëqenies fizike dhe mendore të pjesëtarëve të Policisë së Kosovës.
Për më shumë informacione rreth shërbimeve të ofruara dhe kushteve të marrëveshjes, ju lutemi vizitoni faqen tonë zyrtare, në rubrikën “Marrëveshjet”.
