Kryetari i Sindikatës së Policisë së Kosovës, z. Avdi Hoti, ka zhvilluar një takim zyrtar me Kryetarin e Sindikatës së Policisë së Shtetit Shqiptar, z. Sadedin FishtaKryetari i Sindikatës së Policisë së Kosovës, z. Avdi Hoti, ka zhvilluar një takim zyrtar me Kryetarin e Sindikatës së Policisë së Shtetit Shqiptar, z. Sadedin Fishta, me qëllim të thellimit të bashkëpunimit sindikal ndërmjet dy institucioneve që përfaqësojnë interesat e pjesëtarëve të policisë në Kosovë dhe Shqipëri. Takimi u zhvillua në një atmosferë miqësore dhe profesionale, duke reflektuar përkushtimin e ndërsjellë për ndërtimin e një bashkëpunimi të qëndrueshëm dhe afatgjatë në fushën sindikale.
Gjatë këtij takimi u trajtuan tema që kanë të bëjnë me mbrojtjen dhe avancimin e të drejtave të punonjësve të policisë, përmirësimin e kushteve të punës dhe shkëmbimin e përvojave dhe praktikave të mira në fushën sindikale. Të dy kryetarët shprehën gatishmërinë për organizimin e aktiviteteve të përbashkëta, përfshirë takime periodike, seminare dhe konferenca, me qëllim të fuqizimit të rolit sindikal dhe ngritjes së kapaciteteve përfaqësuese në të dy vendet.
Ky takim përbën një hap të rëndësishëm drejt krijimit të një bashkëpunimi të strukturuar dhe të koordinuar ndërmjet sindikatave të sigurisë në hapësirën mbarëkombëtare, duke synuar një zë unik dhe të fuqishëm në mbrojtje të të drejtave të anëtarësisë dhe përkrahjen e proceseve që rrisin dinjitetin dhe mirëqenien e punonjësve të policisë.
