Të nderuar anëtarë të Sindikatës së Policisë së Kosovës,
Ju informojmë se në kuadër të një marrëveshjeje bashkëpunimi të nënshkruar ndërmjet Sindikatës së Policisë së Kosovës dhe UNI – Universum International College, janë arritur këto përfitime të rëndësishme për të gjithë anëtarët tanë:
Zbritje të veçanta në tarifat e shkollimit për të gjithë pjesëtarët e Policisë së Kosovës që janë anëtarë të SPK-së, si dhe për fëmijët e tyre.
Trajnime profesionale falas, me fokus në:– Inteligjencën Artificiale
– Fusha të tjera bashkëkohore dhe të avancuara, të nevojshme për ngritjen profesionale të pjesëtarëve të policisë
– Të drejtat e njeriut
– Krimet kibernetike.
Përfitimi nga këto lehtësime realizohet duke dëshmuar anëtarësinë në Sindikatë, përmes një vërtetimi të lëshuar nga SPK dhe dokumenteve përkatëse të identifikimit të fëmijëve.Ky bashkëpunim paraqet një mundësi konkrete për rritje profesionale dhe edukim cilësor, dhe një dëshmi e angazhimit tonë të vazhdueshëm për mbështetjen tuaj dhe të familjeve tuaja.
Për të gjithë ata që janë të interesuar të ndjekin trajnimet falas, ju lutemi të na kontaktoni përmes adresës elektronike: sindikatapk@spk-rk.eu ose të paraqiteni fizikisht në zyrat e Sindikatës së Policisë, pasi përgatitja e grupit të parë ka filluar tashmë.
Për më shumë informacione rreth shërbimeve të ofruara dhe kushteve të marrëveshjes, ju ftojmë të vizitoni zyrën e Sindikatës së PK-së si dhe faqen tonë zyrtare, në rubrikën ‘Marrëveshjet’.
—Shkarko marrëveshjen: Universum International College
