Sindikata e Policisë së Kosovës ka pranuar sot një donacion me pajisje të teknologjisë informative (IT) nga kompania A&O Service Center Prishtina, në mbështetje të forcimit të kapaciteteve teknologjike dhe përmirësimit të kushteve të punës.
Donacioni përfshin gjithsej 237 pajisje IT, të cilat përfshijnë docking station, tastiera, laptopë, monitorë, mausë, printer dhe televizor.
Kryetari i Sindikatës së Policisë së Kosovës, Avdi Hoti, falënderoi kompaninë A&O Service Center Prishtina për kontributin dhe mbështetjen e dhënë, duke vlerësuar se bashkëpunime të tilla ndikojnë drejtpërdrejt në përmirësimin e kushteve të punës dhe rritjen e efikasitetit të veprimtarisë sindikale.
Sindikata e Policisë së Kosovës shpreh mirënjohjen e saj për këtë donacion dhe vlerëson lart përgjegjësinë shoqërore të kompanisë A&O Service Center Prishtina, duke shpresuar që bashkëpunime të tilla të vazhdojnë edhe në të ardhmen, në funksion të mbështetjes së punonjësve të Policisë së Kosovës.
