Të nderuara gra punonjëse të Policisë së Kosovës, shtylla e sigurisë dhe dinjitetit tonë!
Me rastin e 8 Marsit – Ditës Ndërkombëtare të Gruas, Sindikata e Policisë së Kosovës ju shpreh mirënjohjen dhe respektin më të thellë për përkushtimin, guximin dhe profesionalizmin tuaj të pashoq. Ju jeni më shumë se uniforma që mbani apo roli që luani – jeni forcë, sakrificë dhe shembull i pashoq i barazisë dhe drejtësisë.
Çdo ditë, ju dëshmoni se përkushtimi dhe guximi nuk kanë kufij. Me dinjitet dhe integritet, ju, gratë police, mbroni sigurinë e qytetarëve, ndërsa ju, grate e stafit civil në kuadër të Policisë së Kosovës, me profesionalizmin tuaj të palodhur, siguroni funksionimin e pandalshëm të këtij institucioni jetik. Së bashku, ju jepni një kontribut të jashtëzakonshëm në një shoqëri më të sigurt dhe më të drejtë.
Sot dhe çdo ditë, ne qëndrojmë pranë jush, me mbështetje të plotë për të drejtat dhe dinjitetin tuaj. Ju jeni forca që sfidon çdo sfidë dhe drita që ndriçon rrugën e drejtësisë!
“Gratë në polici nuk mbajnë vetëm uniformë apo një rol zyrtar – ato mbajnë guximin, drejtësinë dhe forcën për të ndryshuar botën!”
Gëzuar 8 Marsin!
Me respekt,
Sindikata e Policisë së Kosovës
